Мэргэжилтнүүдийн ярьснаар судалгаа хийхдээ сэртэнгүй нэг салаат хиймэл өгөөшт дэгээгээр тул загасыг бариад биеийн урт, тойргийн уртыг хэмжсэний дараа буцаан тавьсан аж. Түүнчлэн судалгааны явцад тул загасны идэш тэжээлийн бүрэлдэхүүн, ялгаатай талыг харьцуулан судлах зорилгоор агнуурын бусад зүйлийн загасны судалгааг ч давхар хийв. Судалгааны дүн 2024 оны эхээр гарах юм байна. 2016 оны судалгаагаар Онон голд 1 км-т 1,6 тоо толгой тул тархсан болохыг тогтоож байсан билээ.