Сурагчид тогорууны өндөг хамгаалах чиглэлээр ямар ажил хийснээ танилцуулж, харилцан туршлага солилцлоо. Дадал сумын экоклубын сурагчдын хувьд Эхэн бүрдийн нууранд шувуудын өндөг хамгаалах ажил санаачилан хийсэн аж. Усны ховор шувуудын үржлийн үед, ялангуяа өндгөнд гэрийн мал, нохой сөрөг нөлөөтэйг судлаачид тогтоосон байдаг. Тиймээс экоклубын сурагчид энэ сэдвээр малчин өрх айлуудад сурталчилгаа хийв. Тэд нуур орчмын малын тоо болон нохойны тоог гаргаж, цэн тогорууны үржлийн үед гэрийн нохойгоо уяахыг уриалжээ.