Монгол улсын нутаг дахь Онон-Балжийн байгалийн цогцолборт газар (цаашид БЦГ гэх) нь Оросын Холбооны Улс (цаашид ОХУ гэх)-ын нутагт орших Сохондын шим мандлын дархан газартай өргөргийн дагуу зэрэгцэн оршдог бөгөөд байгаль газарзүйн нэгдмэл тогтолцоотой. Иймээс тус тусгай хамгаалалттай газар нутгуудын хамтын ажиллагааг хөгжүүлэх, улмаар хил дамнасан тусгай хамгаалалттай газрыг байгуулах нь хоёр улсын хил орчмын нутгийн экологийн тэнцвэрт байдлыг хангах, Номхон далайн ай савд багтах цэнгэг усны эх үүсвэр,түүнийг зохицуулан барьж буй өмнөд Сибирийнтайгын экосистем, хил дамнан нүүдэллэдэг ховор, нэн ховор амьтан, ургамлыг хамгаалах, хоёр орны ард түмний харилцан итгэлцлийг бэхжүүлэх, байгаль хамгаалах салбарт хамтран ажиллах төдийгүй бүснутгийн тогтвортой хөгжлийг хангахад чухал үүрэг гүйцэтгэх болно.