Тухайн ард түмний өв соёлын мэдлэг хойш үедээ тэр чигээрээ уламжилдаггүй бөгөөд цаг үеийн үзэл суртал, амьдрах орчин нөхцөлтэй холбоотой өөрчлөгдөж байдаг. Өнгөрсөн ХХ зуунд шашин шүтлэгийг хорьж цагдах, хааж боох үзэл суртал давамгайлж хүний аливаад хандах, бишрэх, энэрэх, шүтэх үзлийг нийтэд нь хааж боосноос байгалийн сүр хүч, хүн байгалийн нандин шүтэлцээг үгүйсгэх үзэл газар авсан байв.