Энэ нутаг нь Хан Хэнтийн нурууны зүүн урд талын салбар нам уулсын төгсгөлөөс Дорнод Монголын тал хээрийн бүс рүү шилжих шилжилтийн заагт орших бөгөөд Дорнод Монголын хээрийн экосистемийн томоохон төлөөлөгч болох цагаан зээрийн нүүдэллэн өнгөрөх, өвөлжих нутаг болохын зэрэгцээ усны болон эргийн шувуудын хувьд өндөглөн зусах, нүүдлийн үедээ бууж амардаг Хэрлэн голын татмын ландшафт бүхий газар юм.