Дэлхийн байгаль хамгаалах сан (WWF)-гийн Монгол дахь хөтөлбөрийн газар, Улаан Тайгын улсын тусгай хамгаалалттай газрын Хамгаалалтын захиргаатай хамтран Их Соёны нуруунд байршин амьдарч байгаа амьтдын зүйлийн бүрдлийг тодорхойлох, мэдээллийн сан үүсгэх зорилгоор амьтдын ул мөр жимтэй газруудад автомат камер байршуулсан билээ. Тэгвэл мэргэжилтнүүд 2021 оны 8 дугаар сард газар дээр нь ажиллаж автомат камерын зурган мэдээллийг шалгасан байна.