Хар Ямаатын байгалийн нөөц газарт орших Хулстайн нуурыг хамгаалах ажлыг Дэлхийн байгаль хамгаалах сангийн Монгол дахь хөтөлбөрийн газрын санхүүжилтээр нутгийн иргэд 2020 оны 5 дугаар сард гүйцэтгэсэн билээ. Нуурын эхийг хашиж малын хөлөөс хамгаалснаар усны түвшин нэмэгдэх, шувуудын өндөгөнд учрах дарамтыг бууруулах зорилготой байв. Тэгвэл байгаль хамгааллын уг ажил амжилтад хүрч, энэ хавар нууранд цэн тогоруу ирж үүрлэн, өндөглөсөн байна.