Монгол бөхөн хамгаалал | WWF

Монгол бөхөн хамгаалал



 rel=
Бөхөн
© Дэлхийн байгаль хамгаалах сан

МОНГОЛ БӨХӨНГИЙН БИОЛОГИ, ЭКОЛОГИ

Буган биетэй, тэмээн толгойтой монгол хонины хирийн биетэй ургамлан тэжээлт, хивэгч амьтан. Биеийн урт 100-145 см, сэрвээний өндөр 63-83 см, сүүл 8-13 см, чихний урт 7.5-11 см, жин 23-40 кг хүрнэ. Хөл, хүзүү нарийн, толгой том, өвөрмөц монхор хамартай, хамрын нүх маш том. Хэрэгчин мухар, хэржин 40 см хүрэх тунгалаг цайвар өнгөтэй хос шоорон эвэртэй, эврийн цагираг тодорохой харагдана. Биеийн өнгө зуны улиралд бор шаргал байснаа өвөл болоход цайвар саарал болж өөрчлөгдөнө. Сэрвээнээс сүүлний уг хүртэл зоо дагасан нарийхан бор судалтай, хэвэл, гуяны дотор тал цайвар өнгөтэй.
Дэлгэрэнгүйг эндээс үзнэ үү....

 rel=
Saiga Antelope Conservation Project Launch Event, October 29, 2007, Altai town, Gobi-Altai province
© WWF Mongolia

2008.10.29 Говь-Алтай аймгийн Алтай хотод Монгол бөхөн хамгаалах төслийн нээлтийн өдөрлөг боллоо

Дэлхийн байгаль хамгаалах сан (WWF)-гийн Монгол дахь хөтөлбөрийн газрын энэхүү төслийн нээлтийн үеэр орон нутгийн холбогдох байгууллагууд дэмжин ажиллахаа мэдэгдлээ.

Та бүхнийг ан агнуур хийхэд зүрх сэтгэлээ өгөхгүй байхыг уриалж байна.

Дээрхийн гэгээнтэн XIV Далай лам

2008.02.01 Монгол бөхөнгийн тооллогын дүн гарлаа

Энэ жилийн судалгааны дүнд нийт тархац нутагт 282 сүргийн 3240 бөхөн тоолжээ. Өнгөрсөн оныхоос өссөн дүн гарч байна. Нэг ч гэсэн амьтан, тэр тусмаа нэн ховордсон бөхөнгийн тоо толгой өсч өндийж байгаа нь бахархалтай.
Дэлхийн байгаль хамгаалах сан (WWF)-гийн санхүүжилттэйгээр ШУА-ийн Биологийн хүрээлэн 1998 оноос хойш Монгол орны нутаг дэвсгэр дээрх бөхөнгийн тооллогыг жил бүр хийсээр ирлээ. Монгол бөхөнгийн тоо толгойн хэлбэлзэлд цаг агаарболон хүний үйл ажиллагаа ихээхэн нөлөөлдөг билээ.