“Хоггүй Хэрлэн гол” кампанит ажил олны талархлыг хүлээж байна | WWF

“Хоггүй Хэрлэн гол” кампанит ажил олны талархлыг хүлээж байна



Posted on 03 January 2020
Уулзалтын үеэр экоклубын сурагчид болон зохион байгуулагчид аяны хүрээнд хийсэн ажлаа тайлагнаж амжилт, сургамжийг оролцогчдод танилцууллаа.
© ДБХС
Дэлхийн байгаль хамгаалах сан (WWF)-гийн Монгол дахь  хөтөлбөрийн газар гол, усыг  хуванцар хог хаягдлаас ангижруулах ажилд талуудыг татан оролцуулах зорилгоор  санаачилга гаргасан юм. Энэ санаачилгын хүрээнд  нутгийн зүүн бүс дэх Хэрлэн голыг хуванцар хог хаягдлаас ангижруулах “Хоггүй Хэрлэн гол” кампанит ажлыг 2018 оноос хойш иргэдийн оролцоотойгоор амжилттай хийж байна.
Аяны хүрээнд энэ жил хийсэн ажлаа танилцуулах хамтарсан уулзалт 2019 оны 12 сард Хэнтий аймгийн төвд боллоо. Уулзалтад экоклубүүдийн төлөөлөл, бизнес эрхлэгчид, цэцэрлэг, цагдаа, онцгой байдлын газар, Засаг даргын тамгын газар зэрэг байгууллагын 50 гаруй хүн оролцлоо. Энэ удаагийн уулзалтад оролцогчид нэг удаагийн хэрэглээнээс татгалзаж өөрсдийн аяга, усны савтайгаа ирсэн нь онцлогтой байлаа.       
Уулзалтын үеэр экоклубын сурагчид болон зохион байгуулагчид аяны хүрээнд хийсэн ажлаа тайлагнаж амжилт, сургамжийг оролцогчдод танилцууллаа. Уулзалтад оролцогчид “Хоггүй Хэрлэн гол” аяны хүрээнд үр дүнтэй олон ажил хийгдсэнийг онцлоод цаашид олон нийтийн хандлагыг өөрчлөхөд анхаарах хэрэгтэй гэдэгт санал нэгдсэн байна. Түүнчлэн хог хаягдал бууруулах ажлыг  үе шаттайгаар төлөвлөгөө гарган хийхээр боллоо. Үүнд,  Хэнтий аймгийг хог ангилан хаядаг цэгтэй болгох ажлыг орон нутгийн шийдвэр гаргагчидтай хамтран 2020 онд эхлүүлэх, гялгар уут зардаггүй өдөртэй болох, даавуун уутыг олон нийтийн хэрэглээ болгох зэрэг ажлыг хийхээр төлөвлөжээ.  
Уулзалтын үеэр экоклубын сурагчид болон зохион байгуулагчид аяны хүрээнд хийсэн ажлаа тайлагнаж амжилт, сургамжийг оролцогчдод танилцууллаа.
© ДБХС Enlarge