Монгол улс өөрийн орны болон бүс нутгийн байгаль экологийн тэнцлийг хангахад онцгой нөлөө бүхий газар нутгийг улсын тусгай хамгаалалтад авч экологийн тэнцвэрт байдлыг хангах; газрын доройтлыг бууруулах, нөхөн сэргээх; ховор, нэн ховор амьтан, ургамал, байгаль, түүх, соёлын өвийг хамгаалах, хүний амьдрах орчны эрүүл, аюулгүй байдлыг хангах зорилго тавин ажиллаж байна.

2019 оны 9-р сарын 20-ны байдлаар нийт 31,603,476 га талбайг хамарсан 115 улсын тусгай хамгаалалттай газар нутгийг байгуулаад байна. Төлөвлөж буй эдгээр 9 газар нь 6 аймгийн 13 сумын 1,291,249.48 га талбайг хамарч байна. Ингэснээр Улсын тусгай хамгаалалттай газар нутгийн талбайн хэмжээ 32,891,617 га-д хүрч, нийт нутаг дэвсгэрийн 21 хувийг эзлэх юм. Улсын тусгай хамгаалалтад авахаар төлөвлөж буй газруудыг танилцуулья.